was successfully added to your cart.

Cart

News

YADAH Ministries ta organisa un Gospel show, titula: “ The Call”

By October 14, 2019 No Comments

YADAH Ministries, un departamentu di Fundashon Iglesia Hesu-kristu E Bon Samaritano, ta un organisashon di mas ku 25 aña sirbiendo den nos komunidat, trahando pa mehora i enrikese kalidat di bida di personanan di menos rekurso. Esaki nos ta hasi dor di yuda muchanan i hobenan ku kuminda, tas i asesorio pa skol i tambe eduka nan riba diferente arianan di bida pa asina nan por ta personanan ehemplar den nos komunidat. Alabes nos ta yuda adultonan i diferente instansia ku kuminda, of donashon pa yuda personan den nesesidat.Pa por sigi hasi esaki, YADAH Ministries lo bai tin mester di fondonan, pa asina por sigi ku e trabounan pa esaki  por ta mas efektivo.  Tambe e aña aki nos lo ke hasi un donashon na Prinses Wilhemina Fonds, ku ta hasiendo un tremendo trabou den nos komunidat. Pa logra esaki dia 27 Oktober 2019 nos ta organisa  un Gospel show, titula: “ The Call”.  E aktividat aki lo ta den Sentro Integral Dr. Israel Leito, Bahamasweg.  7.00 p.m -10:00 p.m.

E biaha aki e aktividat lo wordu dedika na Señora Silvia Henry, un persona ku ta yuda hobenan deskubri nan talentonan, motiva nan pa eduka nan mes,i pa nan por traha ku e meta pa ta hobenan ehemplar den nan Pais.Tambe e ta promove  artistanan di Gospel lokal i internashonal , yuda medionan di komunikashon i organisashonan kristian lanta i para riba pia, i ainda e ta aktivo  hasiendo e trabou ku Dios a yame pa hasi.Alabes dia 12 di Mei lo ta un dia speshal pa tur mama i famia.Den e presentashonnan lo bai tin 11 artista di conservatorium for di Hulanda ku lo presenta ku nan musika di Jazz, i otro artistanan di gospel lokal i international. E aktividat aki alabes lo trese algun turista  korsou for di paisnan e.o  Hulanda  St.Maarten,i Sto Domingo. Pa por logra hasi e aktividat aki inolvidabel, Yadah Mininstries ta invita un i tur pa bin disfruta di un tremedo konsierto, i alabes yuda rekouda fondo pa yuda Prinses Wilhelmina Fonds i otronan den nesesidat.

Karchinan ta obtenibel na librerianan, i pa mas informashon por tuma kontakto via telefon (5999) 516-0652 of 675-2695

Lo ta un evento ku ningun hende mag perde